ELAN
Təhsilin İnkişafı Fondu Ümummilli Lider Heydər Əliyevin anadan olmasının 100-cü ildönümünə həsr olunmuş “Təhsilin İnkişafında İnnovativ Metodlar” müsabiqəsini elan edir.
Müsabiqənin məqsədi Ulu Öndərin elmə, təhsilə və gənclərə qayğısını rəhbər tutaraq, tələbələrin təhsilin inkişafına töhfə verəcək ideyalarının dəstəklənməsidir.
2 mərhələdən ibarət olan müsabiqədə yerli ali təhsil müəssisələrinin bakalavr və magistr tələbələri aşağıdakı mövzulardan biri üzrə ideya və təkliflərini təqdim etməklə iştirak edə bilərlər:
- İnklüziv təhsilin inkişafı
- Qeyri-formal təhsil metodları
- Təhsildə texnologiyanın tətbiqi
- Təhsildə idarəetmə
I mərhələdə iştirakçılar tərəfindən hazrılanan təqdimatda məsələnin qoyuluşu, innovativ yanaşma və icra planı öz əksini tapmalıdır. Təqdimatlar mövzunun aktuallığı, faydalılığı, kontenti və dizaynı kimi meyarlar üzrə qiymətləndiriləcək.
II mərhələdə iştirak hüququnu qazanan iştirakçılar isə təkliflərini müsabiqə mövzuları üzrə peşəkar mütəxəssislərdən ibarət münsiflər heyətinə təqdim edəcəklər.
II mərhələnin meyarları (təqdimat bacarığı, fikirlərin əsaslandırılması və vaxtın idarəedilməsi) üzrə ən çox bal toplayan ilk 3 finalçı qalib olacaqdır. Təqdimat üçün maksimum müddət 7 dəqiqə müəyyən olunmuşdur.
Mükafatlandırılma aşağıdakı formada aparılacaqdır:
I yer – 1000 AZN
II yer – 750 AZN
III yer – 500 AZN
Müraciət üçün keçid: https://forms.gle/jCg2EvdUvBKVafJA7
Müraciət üçün son tarix: 27 aprel saat 18:00.
Qeyd: Təqdimatlar Azərbaycan dilində olmalıdır.
