Sumqayıt Dövlət Universitetində bakalavr, magistratura və doktorantura səviyyələrində təhsil almaq istəyən əcnəbi vətəndaşlar üçün 1 illik və 6 aylıq hazırlıq kursu təşkil edilir.
     Hazırlıq kursunda dərslər Azərbaycan dilində olmaqla, Azərbaycan Respublikası Elm və Təhsil Nazirliyi tərəfindən təsdiq olunmuş tədris planına əsasən keçirilir.
Kursun yekununda buraxılış imtahanından uğurla keçən tələbələr kursu müvəffəqiyyətlə başa vurduğuna dair təhsil haqqında vahid formada dövlət şəhadətnaməsi ilə təmin olunurlar. Qeyd edək ki, yekun imtahandan keçməyən əcnəbi vətəndaşlar “Hazırlıq kursu”nda təkrar təhsil almaq imkanına malikdirlər.
     Azərbaycan dili bilikləri kafi olan əcnəbi vətəndaşlar müsahibədən keçdikdən sonra və ya dil biliyinə aid sertifikatı (əgər varsa) təqdim etməklə hazırlıq kursuna cəlb edilmədən seçdikləri ixtisas üzrə təhsillərinə başlaya bilərlər.Hazırlıq kursunda dərslərin başlama tarixləri:

      1 illik kurs: 01 oktyabr
      6 aylıq kurs: 01 yanvar

      Hazırlıq kursunda təhsil haqqı bütün ixtisaslar üzrə 1000 dollar təşkil edir.