Tarix və coğrafiya

2000-ci ildə Tarix−filologiya şöbəsi kimi fəaliyyətə başlamış, 2001-ci ildə Tarix−filologiya fakültəsinə çevrilmiş, 2003‒2014-cü illərdə müstəqil Tarix fakültəsi kimi fəaliyyət göstərmişdir. 2014-cü ildən Tarix və coğrafiya fakültəsi adlanır. Fakültəyə yarandığı gündən t.e.d., prof.A.B.Baxşəliyev rəhbərlik edir.Fakültədə 4 nəfər professor, 16 nəfər dosent, 19 nəfər baş müəllim, 14 nəfər müəllim çalışır, 16 nəfər doktorant və dissertant fəlsəfə doktorluğu pilləsi üzrə, 5 nəfər isə elmlər doktorluğu pilləsi üzrə elmi tədqiqat işi ilə məşğul olur. Fakültədə tədris əyani və qiyabi formada aparılır. Hal-hazırda fakültədə bakalavriat pilləsində 798 tələbə (onlardan 693-i əyani, 105-i qiyabi təhsil alır), magistratura pilləsində isə 46 magistrant təhsil alır.

Fakültədə 3 kafedra fəaliyyət göstərir:

-Azərbaycan və Şərqi Avropa xalqları tarixi
-Tarix, coğrafiya və metodika
- Fəlsəfə, sosiologiya və politologiya
Bakalavriat pilləsindəki ixtisaslar:
-Tarix
-Tarix müəllimliyi
-Tarix və coğrafiya müəllimliyi
-Coğrafiya müəllimliyi
-Sosiologiya
-Sosial iş
-Politologiya
Magistratura pilləsindəki ixtisaslaşmalar:
-Azərbaycanın qədim və orta əsrlər tarixi
-Azərbaycanın yeni və ən yeni tarixi
-Türk dünyası tarixi
-Avropa və Amerikanın yeni və ən yeni tarixi
-Tarix fənninin tədrisi metodologiyası və metodikası
-İdarəetmənin sosiologiyası
-Azərbaycanın fiziki coğrafiyası
-İqtisadi və sosial coğrafiya
-Coğrafiya fənninin tədrisi metodologiyası və metodikası
Fakültənin əsas elmi istiqamətləri:
-Azərbaycan dövlətçilik tarixinin qədim dövrdən müasir dövrə qədər araşdırılması;
-Ümumi tarix konteksindən Türk xalqları tarixinin tədqiqi (ən qədim zamanlardan-1923-cü ilə kimi);
-Tarixin tədrisində müasir təlim texnologiyaları və onun aktual problemləri;
-Landaşaft planlaşdırılmasının sosial-iqtisadi məqsədləri;
-Coğrafiya fənninin tədrisi zamanı mövzuya uyğun metodların seçilməsi;
- Azərbaycan Respublikasının regionlarında əhalinin sosial rifahının təmin edilməsi istiqamətləri;
Fakültə AMEA-nın Tarix və Etnologiya, Arxeologiya və Etnoqrafiya, Coğrafiya İnstitutları, Bakı Dövlət Universiteti, Azərbaycan Dövlət Pedaqoji Universiteti, Azərbaycan Turizm və Menecment Universiteti, o cümlədən Türkiyə, Rusiya və Qazaxıstanın bir sıra ali təhsil ocaqları, həmçinin bir çox elmi-tədqiqat mərkəzləri ilə işgüzar və səmərəli elmi-pedaqoji əlaqələr saxlayır.

Tarix və coğrafiya fakültəsinin kafedraları

Azərbaycan və Şərqi Avropa xalqları tarixi

Tarix, coğrafiya və metodika kafedrası

Fəlsəfə, sosiologiya və politologiya