“Odlar Yurdu Azərbaycana səyahət” adlı yay məktəbinin iştirakçıları xoş təəssüratlarını bölüşdülər
Dağıstan Dövlət Universitetinin tələbəsi Naira Velibekova : “Hörmətli “Odlar Yurdu Azərbaycana səyahət” Tələbə yay məktəbinin təşkilatçıları! Mən bu tədbirin təşkilinə və iştirak etməyə dəvət aldığım üçün Sizə dərin minnətdarlığımı bildirirəm. Nəinki təşkilatçılara və könüllülərə, eləcə də bütün Azərbaycan xalqına qonaqpərvərliyi, xeyirxahlığı və gülərüzlülüyünə görə təşəkkür edirəm! Tədbirin proqramı çox maraqlı və yaddaqalan idi. Sizin ölkənizin və şəhərlərinizin gözəlliyi məni valeh etdi və qəlbimdə dərin iz buraxdı.
