Komandamız gənclər təşkilatları arasında keçirilən intellektual yarışın qalibi oldu
Noyabrın 2-də Sumqayıt Gənclər Evinin təşkilatçılığı ilə gənclər təşkilatları arasında açıq havada "Keçmişə qayıdaq" adlı intellektual yarış keçirildi. Yarışın keçirilməsində məqsəd gənclərin intellektual səviyyəsinin yüksəldilməsinə şərait yaratmaq, onların milli-mənəvi dəyərlərimiz və tariximiz haqqında daha geniş biliklərə sahib olmalarına kömək göstərməkdir.
Yarışda 6 komanda iştirak etdi. Maraqlı mübarizə şəraitində keçən yarışda qalib komandalar medal və sertifikatlarla təltif edildilər. I yerə Sumqayıt Dövlət Universitetinin Tələbə Gənclər Təşkilatı, II yerə Sumqayıt regional "ASAN xidmət" mərkəzi, III yerə Qızıl Aypara Cəmiyyətinin Sumqayıt bölməsi layiq görüldü.
Mətbuat xidməti
