“Bazardüzü zirvəsinin fatehləri” adlı görüş təşkil olundu
Yanvarın 23-də Gənclərin İnkişaf və Karyera Mərkəzinin Sumqayıt nümayəndəliyi, Sumqayıt Dövlət Universitetinin Tələbə Gənclər Təşkilatı və “Eduonline”nın təşkilatçılığı ilə “Bazardüzü zirvəsinin fatehləri” adlı görüş təşkil olundu.
Görüşdə qonaq qismində Azərbaycanın məşhur alpinistləri, Dövlət Turizm Agentliyinin Şəki-Zaqatala regionundakı yeganə peşəkar dağ bələdçiləri Müşfiq Səmədli və Fərid Mustafayev iştirak etdilər. Onlar “İlkin dağçılıq” haqqında təlimat xarakterli məlumat verdilər və “Bazardüzü zirvəsi” ilə bağlı yaşadıqları təəssüratlarını iştirakçılarla bölüşdülər.
Sonra “BAZARDÜZÜ - Azərbaycanın zirvəsi” adlı film təqdim olundu.
Mətbuat xidməti
