SDU-da “Beynəlxalq Həftə”–nin son günü
Mayın 13-də Sumqayıt Dövlət Universitetində Beynəlxalq əməkdaşlıq və əcnəbi tələbələr şöbəsinin təşkilatçılığı ilə “Beynəlxalq həftə” tədbirinin növbəti və son görüşü keçirildi.
Tədbiri giriş sözü ilə Beynəlxalq əməkdaşlıq və əcnəbi tələbələr şöbəsinin müdiri Sədaqət Fətullayeva açaraq iştirakçıları salamladı və “Beynəlxalq həftə”nin qonağı, Belçika Avropa Kollecinin Natolin kampusunun Akademik İdarəetmə ofisinin nümayəndəsi Nərgiz Abdullayevanı iştirakçılara təqdim edərək, Sumqayıt Dövlət Universitetinin “Beynəlxalq həftə” çərçivəsində keçirilən silsilə tədbirlərinin bügünkü mövzusunun aktuallığını vurğuladı.
Sumqayıt Dövlət Universitetinin bütün fakültələrindən cəlb olunmuş tələbələr üçün hibrid formatda təşkil olunmuş seminarda “Avropada azərbaycanlı tələbələr üçün təqaüdlü təhsil imkanları” mövzusunda geniş məlumat verildi.
Avropa Kollecinə qəbul proqramları, qəbul şərtləri, azərbaycanlı tələbələr üçün təqaüd imkanları, müraciət tarixləri haqqında təqdimat iştirakçıların marağına səbəb oldu.
Sonda məruzəçi tələbələrin süallarını cavablandırdı.
Qeyd edək ki, “Beynəlxalq həftə” çərçivəsində 04.05.2022-ci il tarixindən start verilən görüşlər uğurla yekunlaşdı.
Mətbuat xidməti
