SDU-nun alimi İstanbulda keçirilən konfransda mükafata layiq görüldü
Sumqayıt Dövlət Universitetinin Pedaqogika və psixologiya kafedrasının dosenti Kəmalə Salamova 13‒15 iyun tarixlərində Türkiyənın İstanbul şəhərində İstanbul Mədəniyyət Universitetinin ev sahibliyi ilə keçirilən “23-cü Beynəlxalq psixoloji xidmət və məsləhət” adlı konfransın açılış toplantısında “Sosial şəbəkələrin gənclərin inkişafına təsiri” mövzusunda çıxış etdi, “Ailə və toplum” adlı bölməyə rəhbərlik edərək “İlin psixoloqu” mükafatına layiq görüldü.
Səfər çərçivəsində dosent Kəmalə Salamova İbn Haldun Universitetində yeni yaradılmış Heydər Əliyev adına Avrasiya Tədqiqat və Təcrübə Mərkəzində oldu və mərkəzin rəhbərliyinə Sumqayıt Dövlət Universiteti haqqında geniş məlumat verdi.
İyunun 16-da keçirilən EBAS2022-nin (Təhsil və Elmi Araşdırmalar) “Təhsildə fürsət bərabərliyi” adlı konfransda “Boşanmanın uşaqların təhsilinə və şəxsi inkişafına təsiri” mövzusunda təqdimatla çıxış edən Kəmalə xanım İstanbul Təhsil İdarəsi tərəfindən mükafata layiq görüldü.
İyunun 17-də isə İstanbul Başakşəhər təhsil idarəsində dosent Kəmalə Salamovanın türkiyəli psixoloqlarla birgə nəşr olunmuş “Pozitiv psixologiya” kitabının ingilis dilində çap olunan ilk nüsxəsinin təqdimatı oldu.
Mətbuat xidməti
