“Məhsul sahibi marafonu”nun açılış mərasimi keçirildi
Oktyabrın 31-də “PAŞA Bank”ın tərəfdaşlığı və “SUP VC” şirkətinin təşkilatçılığı ilə keçiriləcək “Məhsul sahibi marafonu”nun açılış mərasimi baş tutdu.
Açılış mərasimində “PAŞA Bank”ın nümayəndəsi Fərhad Mansurov, “SUP VC” şirkətinin direktoru Rəşad Eyvazov, layihə meneceri Cəmil Hüseynzadə və universitet nümayəndələri iştirak etdilər.
Marafonda SDU, ADNSU, BMU, ADA Universiteti, Qərbi Kaspi Universiteti, Azərbaycan–Fransız Universiteti (UFAZ) və ADİU-dan ümumilikdə 14 komanda iştirak edəcək və komandalar startap ideyası üzərində işləyib prototip təqdim edəcəklər. Birinci mərhələni uğurla tamamlayan komandalar növbəti mərhələdə birincilik uğrunda mübarizə aparacaqlar.
Baş tutan açılış mərasimində marafonla bağlı, eləcə də sonrakı mərhələlərlə bağlı ümumi məlumatlar verildi, iştirakçıları maraqlandıran suallar cavablandırıldı.
Qeyd edək ki, “Məhsul Sahibi Marafonu”nda Sumqayıt Dövlət Universitetini 2 komanda: “Qeyri-səlis məntiq” və “İnnovativ Gənclik” komandaları təmsil edəcək.
Mətbuat xidməti
