SDU IX Bakı Beynəlxalq Kitab Sərgisində təmsil olunur
Sumqayıt Dövlət Universiteti Mədəniyyət Nazirliyinin təşkilatçılığı ilə Bakı Ekspo Mərkəzdə Ümummilli Lider Heydər Əliyevin 100 illik yubileyinə həsr olunan IX Bakı Beynəlxalq Kitab Sərgisində təmsil olunur. Noyabrın 11-də açılışı olan sərgidə universitetin nəşri olan 200-dən çox dərslik və dərs vəsaitləri, elmi xəbərlər, konfrans materialları, eləcə də professor-müəllim heyətinin son illərdə müxtəlif dillərdə nəşr etdirdiyi kitablar nümayiş olunur. SDU-nun stendi sərgi iştirakçılarının marağına səbəb olub. Qonaqlara stenddə nümayiş olunan nəşrlər barədə məlumat verilib. Qeyd edək ki, sərgi noyabrın 15-dək davam edəcək.
Mətbuat xidməti
