Aprelin 8-də Sumqayıt Dövlət Universitetində 10-11-ci sinif şagirdləri üçün “açıq qapı” günü təşkil edildi. Sumqayıt Dövlət Universitetinə tanışlıq çərçivəsində şagirdlər universitetin maddi-texniki bazası və keçirilən dərslərlə, həmçinin sosial şəraiti ilə tanış oldular.
SDU-nun Sosial məsələlər və ictimaiyyətlə əlaqələr üzrə prorektoru dosent Elmar Xəlilov müəllim və şagirdləri universitetin fakültələri, laboratoriyaları, auditoriyaları, “Arxeologiya” kabineti, “Code Academy”nin otaqları, açıq səma altındakı Tədris muzeyi haqda məlumatlandırdı.
Universitetlə tanışlıq proqramı Böyük Akt zalında başa çatdı. SDU ilə bağlı videoçarxın nümayişindən sonra tələbələrimiz qonaqlara universitetdə müxtəlif ixtisaslar üzrə tədris, həmçinin tələbələrin cəlb edildikləri ictimai işlər, habelə onların asudə vaxtlarının təşkili barədə geniş məlumat verdilər.

Mətbuat xidməti