SDU tələbələri “Enactus World Cup Simulation 2024” düşərgəsində iştirak ediblər
Azərbaycan Respublikasının Gənclər və İdman Nazirliyi, Gənclər Fondunun dəstəyi və Azərbaycan Tələbə Gənclər Təşkilatları İttifaqının təşkilatçılığı ilə 17-19 may tarixlərində Şəki İdman Olimpiya Kompleksində “Enactus World Cup Simulation 2024” düşərgəsi keçirilmişdir. Düşərgədə Sumqayıt Dövlət Universitetinin Enactus komandasının tələbələri də iştirak etmiş, simulyasiya zamanı öz lahiyələrini təqdim edərək layiqincə çıxışlar etmişlər. Düşərgənin sonunda isə universitetimizin tələbələri fərqlənməyə layiq görülmüşlər.
Düşərgənin məqsədi “Enactus Azərbaycan” komandalarına biznes, sahibkarlıq və idarəetmə mövzuları üzrə peşəkarların iştirakı ilə təlimlərin keçirilməsi, “Enactus Dünya Kuboku” simulasiyasının təşkil edilməsi və Qazaxıstanda keçiriləcək “Enactus Dünya Kuboku”na Enactus Azərbaycan komandalarının praktiki hazırlaşdırılması olmuşdur.