SDU-nun baş müəllimi beynəlxalq konfransda məruzə ilə çıxış edib
Sumqayıt Dövlət Universitetinin Mühəndislik fakültəsinin baş müəllimi, kimya üzrə fəlsəfə doktoru Azadə Əliyeva 2024-cü il 2-4 sentyabr tarixlərində Türkiyənin İzmir şəhərində keçirilən II Beynəlxalq Konfransda iştirak edib. Konfrans Türkiyə Respublikası Ege Universiteti, Özbəkistan Respublikası Andijan Dövlət Universiteti və Azərbaycan Respublikasının Bakı Dövlət Universitetinin birgə əməkdaşlığı ilə “Avrasiyanın Biomüxtəlifliyinin Qorunması” mövzusunda təşkil olunub.
Konfransın məqsədi Avrasiya, xüsusən də Türk dövlətləri arasında strateji əlaqələrin gücləndirilməsi və tədqiq olunan ekosistemlərin dirçəldilməsi istiqamətində müzakirələr aparmaqdır.
Azadə Əliyeva konfransda “İntroduction and Cultivation of Useful Plants Industrial Importance” mövzusunda məruzə təqdim edib və iştirakçıların suallarını cavablandırıb.
