Sentyabrın 11-də Sumqayıt Dövlət Universitetində (SDU) "Dayanıqlı inkişafa doğru: XXI əsrdə ali təhsilin və innovasiyaların rolu" mövzusunda açıq mühazirə ilə çıxış edən Sinqapur Milli Universitetinin (SMU) Dayanıqlılıq və Nanotexnologiya Mərkəzinin direktoru, professor Siram Ramakrişna, tədbirdən sonra Sumqayıt şəhər İcra Hakimiyyətinin başçısı Zakir Fərəcovla görüşüb.
Görüş zamanı Sumqayıt şəhərinin sosial-iqtisadi inkişafı, həyata keçirilən müxtəlif infrastruktur və innovativ texnologiyaların tətbiqinə dair layihələr müzakirə olunub. Zakir Fərəcov Sumqayıtın dinamik inkişafından və şəhərin ali təhsil müəssisələri ilə əməkdaşlıq perspektivlərindən bəhs edib. Professor Siram Ramakrişna da, öz növbəsində, şəhərin Sumqayıt Dövlət Universiteti ilə elmi və texnoloji sahələrdə əməkdaşlığının genişləndirilməsinin önəmini vurğulayıb.