Aprelin 19-da Sumqayıt Dövlət Universiteti (SDU) Tələbə Elmi Cəmiyyətinin (TEC) növbəti yığıncağı 2023-cü il dekabrın 27-də Elmi Şura iclasının təsdiq etdiyi “Strateji İnkişaf Planı”nın müzakirəsinə həsr edildi. Yığıncağı açan SDU TEC-nin sədri, biologiya elmləri üzrə fəlsəfə doktoru Lalə Bunyatova Elmi Şuranın təsdiq etdiyi İnkişaf Planınından danışdı. Bu Planın tələbələrin keyfiyyətcə müasir tələblərə cavab verən proqramlar üzrə məhsuldar elmi-tədqiqat işlərinə cəlb olunmasında əsaslı rol oynayacaını qeyd edildi. Cəmiyyətin sədri universitetin həyatında mühüm rol oynayacaq sənədin müzakirəsində tələbələri fəallığa səslədi. Çıxış edən tələbələr, universitetin gələcək fəaliyyəti üçün hazırlanan “Elmi-tədqiqat strategiyası”nda tələbəyönümlü məqamların yer aldığını qeyd etdilər. Bildirildi ki, 4 hissədən ibarət Strategiyada SDU müəllim-tələbə heyətinin müəllifi olduğu elmi-tədqiqat işlərinə qoyulan tələbləri, vəsatət qalrırmaq üçün meyarları əks etdirən mexanizmlərin hazırlanmasını nəzərdə tutan fəsil tələbələrin elmi-tədqiqat işlərinə cəlb olunmasına təkan verəcək.