SDU-da “Yaşıl dünya naminə həmrəylik ili” çərçivəsində minifutbol yarışına yekun vuruldu
26 oktyabr tarixində Sumqayıt Dövlət Universitetində (SDU) keçirilən “Yaşıl Dünya Naminə Həmrəylik İli” çərçivəsindəki minifutbol yarışına yekun vuruldu. SDU Tələbə Həmkarlar İttifaqı Komitəsinin dəstəyi və İdman Klubunun təşkilatçılığı ilə baş tutan bu yarışlara 4 oktyabr tarixində start verilmişdi. Yarışda SDU-nun müxtəlif fakültələrindən və Sumqayıt Dövlət Texniki Kollecindən olan tələbələrdən ibarət 7 komanda iştirak etdi. Komandalar hər oyunda qalibiyyət uğrunda böyük əzmkarlıq göstərərək gərgin mübarizə apardılar.Yarışın nəticələrinə əsasən, Mühəndislik fakültəsi I, İqtisadiyyat və İdarəetmə fakültəsi II, Riyaziyyat fakültəsi isə III yeri qazandı. Qalib komandalar fəxri fərmanlarla təltif olundular.
