Sumqayıt Dövlət Universitetində doktorantura və dissertanturaya xarici dil üzrə sınaq imtahanı təşkil edildi

Oktyabrın 25-də Dil və tərcümə mərkəzi Magistratura, doktorantura və elm şöbəsi ilə birgə doktorantura və dissertanturaya qəbul olmaq istəyən namizədlər üçün xarici dil fənni üzrə sınaq imtahanı təşkil etdilər.Sınaq imtahanının keçirilməsində əsas məqsəd doktorantura və dissertanturaya qəbul olmaq istəyən namizədlərin DİM xarici dil üzrə imtahanına daha səmərəli hazırlaşmalarına kömək etməkdir.Sınaq imtahanı DİM tərəfindən təyin olunmuş xarici dil üzrə imtahan modelinə əsasən keçirilib. İmtahan 2 saat 30 dəqiqə davam edib, speaking mərhələsi ayrıca təşkil edildi.Qeyd edək ki, imtahanda doktorantura və dissertanturaya qəbul olmaq istəyən Sumqayıt Dövlət Universitetinin namizədləri ilə yanaşı, digər ali məktəblərdən də namizədlər iştirak etdilər. İmtahan nəticələri həftə içi elan olunacaq.