SDU-da Zəfər Gününə həsr olunmuş Şahmat yarışı keçirildi

Qarabağ Azərbaycandır!
#KarabakhisAzerbaijan

Əsas səhifə | Xəbərlər | SDU-da Zəfər Gününə həsr olunmuş Şahmat yarışı keçirildi

Yerləşdirilmə tarixi : 02 Noyabr 2024 14:47

Noyabrın 2-də Sumqayıt Dövlət Universitetində Həmkarlar İttifaqı Komitəsi və İdman Klubunun təşkilatçılığı ilə Zəfər Gününə həsr olunmuş əməkdaşların fakültələrarası şahmat yarışı keçirildi. Yarışın məqsədi əməkdaşlar arasında əlaqələri möhkəmləndirmək, kollektiv ruhunu gücləndirmək, münasibətləri daha da inkişaf etdirmək idi.Tədbiri Sosial məsələlər və ictimaiyyətlə əlaqələr üzrə prorektor dosent Elmar Xəlilov açaraq, yarışın əhəmiyyətini vurğuladı və Azərbaycanın Zəfər tarixi, ölkəmizin əldə etdiyi nailiyyətlər və şahmat idman növünün inkişafı barədə məlumat verdi.Gərgin mübarizə şəraitində keçən yarışda Riyaziyyat fakültəsi komandası I, Filologiya fakültəsi II, Təbiət Elmləri fakültəsi isə III yerdə qərarlaşdı. Qalib komandalar Fəxri fərmanlarla təltif edildi.