23 dekabr tarixində Sumqayıt Dövlət Universitetində Keyfiyyət təminatı və strategiya şöbəsinin Riyaziyyat fakültəsinin tələbələri ilə görüşü baş tutub. Keyfiyyət təminatı və strategiya şöbəsinin fəaliyyət istiqamətləri və keyfiyyət mədəniyyətinin formalaşdırılması mövzuları çərçivəsində keçirilən görüşdə Elm və innovasiyalar üzrə prorektor Elşad Abdullayev, Keyfiyyət təminatı və strategiya şöbəsinin müdiri Gülnar Cəfərova və Riyaziyyat fakültəsinin qrup nümayəndələri iştirak ediblər. Görüş zamanı Gülnar Cəfərova təhsilalanlara sorğuların təşkili, müsahibə, təkliflər qutusu və açıq qapı günləri kimi tətbiqlər barədə məlumat verdikdən sonra onlara sorğuların təşkilində aktiv və obyektiv iştiraklarının zəruriliyindən bəhs edib. Sonda tələbələrin tədrisin təşkili və qiymətləndirmə ilə bağlı sualları dosent Elşad Abdullayev tərəfindən cavablandırılıb.