Dekabrın 24-də Sumqayıt Dövlət Universitetində Tələbə Gənclər Təşkilatı ilə Psixoloji Xidmət Mərkəzi tərəfindən və Tələbə Həmkarlar İttifaqı Komitəsinin dəstəyi ilə “İmtahan stresi zehni proseslərin nəticəsi kimi” mövzusunda görüş keçirilib. Görüşdə universitetimizin əməkdaşları və tələbələrimiz iştirak ediblər. Açılış nitqi ilə çıxış edən Aytəkin Məmmədova iştirakçılara Psixoloji Xidmət Mərkəzi barədə məlumat verdikdən sonra sözü çıxışçılara verib. Psixologiya müəllimi, məruzəçi Zülfiyyə Musayeva təqdimatla çıxış edərək imtahan həyəcanının mənfi və müsbət tərəflərindən, eyni zamanda həlli yollarından bəhs edib. Daha sonra Psixologiya üzrə fəlsəfə doktoru, dosent Kəmalə Salamova çıxışında stresin fəsadlarından (bilikdə qeyri-müəyyənlik, yuxu və yemək rejiminin pozulması, güclü zehni yük və artan statik yük) danışıb. Görüşün sonunda tələbələrə sual vermək və məlumat almaq imkanı yaradılıb.