Dekabrın 27-də Sumqayıt Dövlət Universitetində (SDU) Sumqayıtın 75 illik yubileyinə həsr olunmuş məqalə müsabiqəsinin qaliblərinin mükafatlandırma mərasimi keçirilib. Müsabiqə universitetin Tələbə Həmkarlar İttifaqı Komitəsi tərəfindən təşkil olunub. Mərasimdə çıxış edən universitetin Sosial məsələlər və ictimaiyyətlə əlaqələr üzrə prorektoru, dosent Elmar Xəlilov şəhərin zəngin mədəniyyətini, tarixini və inkişafını gənc nəslə tanıdılması baxımından müsabiqənin əhəmiyyətini vurğulayıb. Müsabiqənin nəticələrinə əsasən Tarix və coğrafiya fakültəsinin üçüncü kurs tələbəsi Aslan Əskərov birinci, Riyaziyyat fakültəsinin dördüncü kurs tələbəsi Elvin Abdullayev ikinci və Tarix və coğrafiya fakültəsinin magistrantı Gülyanə Qardaşbəyova isə üçüncü yerə layiq görülüb. Sonda müsabiqə iştirakçılarına fəxri fərman, mükafat və sertifikatlar təqdim edilib.