Sumqayıt Dövlət Universitetinin tələbəsi "Beyin Mərkəzi 2025" layihəsinə seçilib
"Azərişıq" ASC tərəfindən energetika sektorunda yüksək rəqabətli gənc insan kapitalının formalaşdırılması, müasir, innovativ, beynəlxalq tələblərə uyğun bacarıqlı, ixtisaslı və yüksək peşəkarlığı olan mütəxəssislərin hazırlanması məqsədilə "Beyin Mərkəzi 2025" layihəsinin seçim mərhələsi keçirilib. Qeyd edək ki, universitetlər arasında seçilən iştirakçılardan biri də Sumqayıt Dövlət Universitetinin Mühəndislik fakültəsinin Energetika kafedrası üzrə təhsil alan IV kurs tələbəsi Leyla Süleymanzadədir. O, ASC-də Şəbəkə Əməliyyatları Departamentinə təcrübəçi kimi seçilib. Onlar ASC tərəfindən 3 aylıq təcrübə proqramlarına cəlb olunacaqlar. Təcrübə müddətinin sonunda verilən qiymətləndirmə indeksi qənaətbəxş olduğu təqdirdə Cəmiyyətdə müvafiq strukturlarda işlə təmin olunacaqlar.
