2024-ci ilin noyabrın 14-də Sumqayıt Dövlət Universitetinin Mühəndislik fakültəsinin Energetika kafedrasının və Kazan Dövlət Energetika Universitetinin Elektrik sistemləri və şəbəkələri kafedrasının təşkilatçılığı ilə tələbələr üçün “Elektrik enerjisi sənayesində fiziki və riyazi hesablamalar” mövzusunda ali təhsil təşkilatları ilə beynəlxalq onlayn formatda olimpiada keçirilib. Olimpiadada 14 universitetdən 29 komanda və ümumilikdə 167 iştirakçı biliklərini sınayıb. Energetika kafedrasının dosenti Nadir Hacıbalayevin rəhbərlik etdiyi komandamız (Təbiət elmləri fakültəsinin Fizika kafedrasının və Mühəndislik fakültəsinin Energetika kafedrası üzrə təhsil alan tələbələrdən ibarət) olimpiadada 11-ci yeri tutaraq sertifikatlarla təltif edilib. Bundan əlavə, beynəlxalq tələbə olimpiadasının təşkilində göstərdikləri fəal dəstəyə görə SDU-nun Energetika kafedrasının müdiri dosent Xəyalə Əliquliyevaya və kafedranın dosenti Nadir Hacıbalayevə Kazan Dövlət Energetika Universiteti tərəfindən təşəkkürnamə məktubu göndərilib.