Mayın 24–də Azərbaycan Dövlət Bədən Tərbiyəsi və İdman Akademiyasının stadionunda ali məktəblər arasında Yüngül atletika üzrə Respublika çempionatı keçirildi. Yarışlarda Sumqayıt Dövlət Universitetinin İdman klubunun müəllimi Mirvari Kərimovanın hazırladığı tələbələr uğurla çıxış edərək II yerə layiq görüldü. Kimya və biologiya fakültəsinin I kurs tələbələri İlham İksanov - 100 m -ə qaçışda I yerə, Zaur Əliyev - 800 m -ə qaçışda II yerə layiq görüldülər. Fizika və elektroenergetika fakültəsinin II kurs tələbəsi Vüsal Həsənov - yadro itələməkdə, Riyaziyyat fakültəsinin III kurs tələbəsi Lalə Nuriyeva - qızlararası 100 m -ə qaçışda III yerə çıxdılar.
Qeyd edək ki, yarışda respublikamızın 10 ali məktəbin idmançı gəncləri iştirak etdilər.
Mətbuat xidməti
