Azərbaycan Respublikasının Prezidenti cənab İlham Əliyev  Azərbaycan dilinin qloballaşması şəraitində zamanın tələbinə uyğun istifadəsinə və ölkədə dilçiliyin inkişafına dair” Dövlət Proqramı adlı Sərəncam imzalamışdır. Sərəncamın icrasını təmin etmək məqsədilə Təhsil Nazirliyinin 18 iyul 2013-cü il 746 nömrəli Fəaliyyət planı təsdiq olunmuşdur. Sərəncama və fəaliyyət planına əsasən Ali təhsil müəssisələrində müvafiq ixtisaslar üzrə “Nitq mədəniyyəti” fənninin tədris edilməsi tövsiyə olunmuşdur. Bu səbəbdən ali təhsil pilləsinin Dövlət standartına uyğun olaraq bu fənn”Azərbaycan dili və nitq mədəniyyəti “ adı ilə təhsil proqramına salınmışdır. Bu ehtiyacı nəzərə alaraq SDU-nun Filologiya fakültəsi Elmi Şurasının 6 may 2016-cı il tarixli iclasının qərarına əsasən  Folklorşünaslıq və elmi tədqiqat laboratoriyasının müdiri professor Aslan Bayramov və  Azərbaycan dili və dilçilik kafedrasının müdiri dosent Əzəmət Rüstəmovun birgə  Azərbaycan dili  və nitq mədəniyyəti  adlı yeni dərsliyi çap olunmuşdur.

Mətbuat xidməti