Körpələrimizin Yeni il sevinci
Yeni ilin gəlişi ən çox balacaları sevindirir. Universitetin Həmkarlar İttifaqı Komitəsinin təşkilatçılığı ilə Böyük Akt zalda əməkdaşlarımızın uşaqları üçün musiqili əyləncəli Yeni il şənliyi təşkil olundu. Şənlikdə müxtəlif yaşda uşaqlar iştirak etdilər.Uşaqlar Yeni il şənliyindən böyük zövq aldılar. Şaxta Baba və Qar qızın gəlişi isə tədbirə daha da rəng qatdı. Nağıl qəhrəmanları və məşhur personajların iştirakı ilə tamaşalar təqdim olundu. Tədbirdə uşaqlar şeirlər, mahnılar səsləndirdilər, maraqlı rəqslərlə çıxış etdilər. Sonda uşaqlara hədiyyələr paylanıldı.
Mətbuat xidməti
